राहदानी नवीकरण

राहदानी नवीकरण हुनेः (कारणहरू)

• राहदानीको म्याद सकिन 1 वर्ष भन्दा कम समय भएमा
• राहदानीको पाना सकिन लागेमा
• राहदानी हराएमा, च्यातिएमा वा नासिएमा

राहदानी नवीकरणका लागि सुरुमा तपाईले यो कागजातहरू छन भन्ने एकिन गर्नुहोसः (आवश्यक कागजातहरू)

• सक्कल राहदानी
• सक्कल नागरिकता
• हराएको अवस्थामा राहदानी हराएको भनेर स्थानीय प्रहरीमा गरिएको Police Report
• 16 वर्ष भन्दा कम उमेरका नाबालकको हकमा भने सक्कल राहदानी, नाबालक परिचयपत्र, बुवाआमाको विवाहदर्ता प्रमाणपत्र, बुवाआमाको राहदानी र नागरिकताको प्रतिलिपी

राहदानी नवीकरण प्रक्रियाः

1. अनलाईन फाराम भर्नु पर्नेः

''अनलाईन फाराम भर्नु अघि जान्नै पर्ने कुराको लागि click गर्नुहोस''

• राहदानी नवीकरणको लागि सुरुमा https://emrtds.nepalpassport.gov.np/ यो लिङ्कमा गई Online Form भर्नुहोस।
• फारम भर्दा तपाईले Appointment country मा Other छानी Appointment Location मा NE, Cairo छानेर आफूलाई पायक पर्ने मिति तथा समय छानेर Online Form भर्नु होला।
• अनलाइन फाराम भर्ने तरिकाका लागि यहाँ click गर्नुहोस।
• Online Form submit गरी सकेपछि QR code तथा Barcode सहित पेज Download गरि उक्त मिति तथा समयमा राजदूतावासमा ल्याउनु पर्दछ।

2. Appointment Date को दिन राजदूतावासमा आउनु पर्नेः

• Epassport को लागि Biometrics दिनुपर्ने हुँदा 5 वर्ष भन्दा माथीका सम्पूर्ण आवेदकहरू स्वंय राजदूतावासमा अनिवार्य रूपमा नै उपस्थित हुनु पर्नेछ।
• ल्याउनु पर्ने कागजातहरूः
  • Submit गरिएको Online Form,
  • नागरिकताको सक्कल तथा फोटोकपी
  • राहदानीको सक्कल तथा फोटोकपी
  • राहदानी हराएको हकमा स्थानीय प्रहरीमा गरिएको Police Report
  • 16 वर्ष भन्दा कम उमेरकाको हकमा बाबुआमाको नागरिकता र राहदानी तथा विवाहदर्ता
• लाग्ने राजस्वः

नयाँ राहदानी आउन लाग्ने समयः नवीकरणका लागि राजदूतावासमा आवेदन दिएपश्चात सामान्यतया करिब 2 महिना समय लाग्नेछ।

नयाँ राहदानी संकलनः

• नयाँ राहदानी आएपश्चात राहदानी लिन आउँदा अनिवार्य रूपमा आफ्नो हालको राहदानी लिई आउनु पर्नेछ।